এই পৃষ্ঠাটোৰ বৈধকৰণ হৈছে
( ৮০ )
ইয়াত ৰাজ-শোক সহি আৰু কিমান থাকিবা।
১ম দানৱ। ককাই ৰাজ-শোক নে। কিহক
বুলিছা?
২য় দানৱ। আমাৰ বালী ৰজা মৰিল এইটো
জানো ৰাজ-শোক নহয়? তোৰটো কথাৰ কি হয়
এটা সোণকালে কৰ।
১ম দানৱ। মই হ’লে বালী থকাৰ
দিনৰে পৰা ৰাণী গৰাকীৰ আশয় পাওঁ। মোক
মতাই নি গাণ বাজানা কৰোৱায়। এতিয়া লগ
ধৰিলেই ওলাব।
২ য় দানৱ। কেনেকৈ পাৰ চুৰ কৰি আন।
তাৰাই খবৰ পালে সতিনীয়েকক এৰি নিদিয়ে।
১ম দানৱ। কালিৰ গাণটো আকৌ এবাৰ
আওৰাও আহাঁ। ৰাণীক সেইটো গাণ শুনাই
আজি ভুলাব পাৰিম।
২য় দানৱ। বাৰু, গা বাপাই।
⸻
