এই পৃষ্ঠাটোৰ বৈধকৰণ হৈছে
(৬৯)
পঞ্চম গৰ্ভাঙ্ক।
নগৰৰ ওচৰ।
বাণী আৰু সুগ্ৰীৱৰ প্ৰবেশ
বালী। পৰিলি সিবাৰ
অনুগ্ৰহ কৰি প্ৰাণ নেমাৰিলে',
একো শিক্ষা তথাপি নেপালি।
এই মোৰ বদ্ধ মুষ্টি বজ্ৰৰ সমান
নিতান্ত মৰিলি আজি
কোনে পাৰে ৰাখক ধৰাত!
সুগ্ৰীব। ঐশ্বৰীক শক্তিৰ কোষত
তোৰ শক্তি হ’ব পৰাজয়,
মৰিলি মৰিলি বালী
কৰ চিন্তা ইষ্ট দেৱতাক।
বালী। নিৰ্ব্বোধ পামৰ তই
বুজা নাই নিজৰ শকতি;
বাৰে বাৰে হাৰিছ ৰণত
তথাপিও ৰণ তৃষ্ণা নাই মিতা তোৰ,
কুলক্ষণ ইয়াকে বুজিবি।
(দুইৰো প্ৰস্থান)
⸻০⸻
