এই পৃষ্ঠাটোৰ বৈধকৰণ হৈছে
( ৬১ )
সকলোৱে সুগ্ৰীৱক নিৰ্দোষী বুলিছে,
দুখত সহানুভূতি কৰিছে প্ৰজাই;
সইবাবে জনাও দাসীয়ে,—
প্ৰজাৰ স্নেহত আমি ৰাজত্ব কৰিছোঁ,
পৃথিবীত সকলো সমান
ৰূজা প্ৰজা ঈশ্বৰৰ সমান সন্তান;
প্ৰজাক সন্তোষ যদি নকৰে ৰজাই,
বিদ্ৰোহ দাবাগ্নি জলে সেই ৰাজত্বত,—
ৰজা অতি ক্ষীণবলী, —প্ৰজা বলবান,—
প্ৰজাৰ প্ৰীতিৰ অৰ্থে
সুগ্ৰীৱক সামৰা ৰাজন।
চোৱাঁ ভাবি,—যদি প্ৰজাসবে
বলেৰে তোমাক ভাঙ্গি
সুগ্ৰীৱক ৰজা পাতি লয়
নেথাকিব একো আৰু তোমাৰ উপায়।
বালী। সকলো তোমাৰ অনুমান,
প্ৰজাসবে নিজ মুখে
শতবাৰ মোৰ কাৰ্য্য প্ৰশংসা কৰিছে
কি ৰূপে জানিলা তুমি
মোক সবে বেয়া পাই বুলি।
