এই পৃষ্ঠাটোৰ বৈধকৰণ হৈছে
(৫8)
লক্ষ্মণ। যুবৰাজ,-- চাৱাঁ কেনে
গছেৰে আবৃত সৌ ওখ ঠাই খনি,
দেখি যেন সইলাস মেঘৰ নিচিনা।
দেখিলে আনন্দ লাগে
ভক্তি ভাব ওপজে মনত
কোৱাঁ বীৰ, জানা যদি তুমি
কাননৰ কিবা বিবৰণ?
সুগ্ৰীৱ। পূৰ্ব্বে এই উদ্যানতে
কৰিছিলে কঠোৰ তপস্যা
সাত জন মহা ঋষি বহি,
সেই বাবে সপ্তৰ্ষি আশ্ৰম নামে
এই ঠাই ভুবন বিদিত;
যোগ বল সাধি ঋষি সবে
বহু দিন অনাহাৰে থাকি
ডুব মাৰি পানীৰ তলত
অন্ত কৰি প্ৰাণৰ কঠোৰ ব্ৰত
অমৰত্ব পালে কেউ জনে।
তেতিয়াৰে পৰা কিষ্কিন্ধ্যা বাসীয়ে
তীৰ্থ বুলি স্নান কৰে আহি
আশ্ৰমৰ পৱিত্ৰ পানীত,
