পৃষ্ঠা:বালীবধ নাটক.pdf/৪৯

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

(৪৩)

লক্ষ্মণ। পিন্ধ বীৰ গজপুষ্পী মালা
বিজয় স্বৰূপে
আৰোপিলোঁ পুষ্পমালা তোমাৰ দেহত।
হনুমান। ৰণ যাত্ৰ কৰোঁ সকলোৱে।
সকলোৰে প্ৰস্থান।



তৃতীয় গৰ্ভাঙ্ক।



   পৰ্ব্বতৰ দাঁতি।
   দুটা দানৱৰ প্ৰবেশ।
১ম দানৱ। বোলোঁ ককাই পিচে কি?
২য় দানৱ। তোৰ মূৰ—মোৰ লাওখোলা।
১ম দানৱ। নহয় ককাই মই জাত বৰলা,
কেনে দিব, আমাৰ তিৰোতা নাই,
তোৰ হ’লে চিন্তাই নাই,
মোৰ ঘৰ খন পাতি দে।
২য় দানৱ। আও নকবি বোপাই, মই নোৱাৰো
অজি কালি ছোৱালীৰ দাম বৰ চৰিছে।
১ম দানৱ। কিমানলৈ? দুকুৰি হ’বনে?