এই পৃষ্ঠাটোৰ বৈধকৰণ হৈছে
(৩৯)
দ্বিতীয় গৰ্ভাঙ্ক।
মতঙ্গ বন।
সুগ্ৰীৱ, হনুমান, ৰাম আৰু লক্ষণ।
সুগ্ৰীৱ। হে ৰঘুনন্দন,
আশ্বাসিলা বালীক বধিম বুলি
কৰোৱালা সমৰ আহ্বান
শঙ্কটত পেলোৱালা মোক,—
কিন্তু যদি নছিল তোমাৰ ইচ্ছা।
দুৰন্ত বালীক বধিবৰ
তেন্তে লাগিছিল সেই কথা
পূৰ্ব্বেই জানিব দিব মোক,—
নিদিলো হেঁতেন মোৰ অমূল্য জীৱন
বালীৰ অস্ত্ৰৰ অজি মুখত পৰিব।
ৰাম। সুধীৰ সুগ্ৰীৱ তুমি, ভাই মোৰ
প্ৰাণসম লক্ষ্মণৰ দৰে।
প্ৰণয় বান্ধেৰে বান্ধিলা হৃদয়,
প্ৰতিজ্ঞা কৰিলোঁ।
