পৃষ্ঠা:বালীবধ নাটক.pdf/৩৮

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে

দ্বিতীয় অঙ্ক।

প্ৰথম গৰ্ভাঙ্ক।

নগৰৰ ওচৰ।
ৰাম, লক্ষণ আৰু সুগ্ৰীৱৰ প্ৰবেশ।
সুগ্ৰীৱ। কিষ্কিন্ধাৰ পালোঁহি ওচৰ,
ৰওঁ আৰু ইমানতে আমি;
হনুমানো আহিছে দেখিছোঁ।
শুনোচোন কিনো সমাচাৰ।
হনুমানৰ প্ৰবেশ
হনুমান। তোমাৰ আদেশ মতে
তিৰস্কাৰ কৰিলোঁ বালীক,
শুনি বালী ঘৃতাহুতি খঙ্গত জলিছে।
এতিয়াই ওলাবহি আহি
হোৱা বীৰ তুৰন্তে প্ৰস্তুত।
সুগ্ৰীৱ। ৰঘুনাথ, তোমাৰ বলত
আজ মই মহা বলবান,
তোমত নিৰ্ভৰ কৰি
বিছাৰিছোঁ ৰণ আজি দুৰ্জ্জয় ৰিপুৰে।