এই পৃষ্ঠাটোৰ বৈধকৰণ হৈছে
( ১৪ )
ভক্তি উপহাৰ লোৱা
লোৱা চতুৰ্ভুজধাৰী,
ভক্তি মুক্তি শক্তি দাতা দৈত্যনাশকাৰী।
⸻
ৰাম৷ তোমাৰ ভক্তিত দেবি,
লভিলোঁ অপাৰ প্ৰীতি
তুষ্ট হলোঁ তোমাৰ গুণত।
যোৱাঁ তুমি আনন্দে প্ৰবেশাগৈ
দেৱ-পুৰী অমৰাৱতীত।
অন্ত হ’ল তোমাৰ দুখৰ দিন
সুদিনত পৰিছে এতিয়া
সুখ ভোগ কৰা আনন্দেৰে।
শবৰী। পাৰোনে কৰিব কিবা ক্ষুদ্ৰ উপকাৰ,
কোৱাঁ প্ৰভো জগত ঈশ্বৰ?
মুক্তি পালোঁ তোমাৰ গুণত
কীৰ্ত্তি তজু গাম অলকাত।
ৰাম৷ জানানে শবৰি,
কেনি গলে পাম আমি
লঙ্কা দ্বীপ দেশ ৰাৱণৰ?
