এই পৃষ্ঠাটোৰ বৈধকৰণ হৈছে
( ৯৯ )
আহাঁ দেবি, কৰোগৈ আয়োজন
লক্ষ্মণক পূজাৰ কাৰণে।
ৰুমা। বলা যাওঁ প্ৰাণনাথ,
চন্দনেৰে লক্ষ্মণ বীৰক
কৰিম ভক্তিৰ পূজা মই।
[ দুইৰো প্ৰস্থান
⸻০⸻
দ্বিতীয় গৰ্ভাঙ্ক।
প্ৰস্ৰবন পৰ্ব্বত।
ৰাম আৰু লক্ষ্মণ।
ৰাম। চোৱাঁ তাই এই পৰ্ব্বতত
মধুৰ বসন্ত ঋতু
বিৰাজিছে আনন্দ মনেৰে।
বৰ্ষাকাল হৈছে এতিয়া
তথাপিও ফুলে ফুলে শোভিব লাগিছে;
গাইছে মধুৰ সুৰে
অৰণ্যৰ যতেক পক্ষীয়ে,
ৰিব্ ৰিব্ মলয়া বলিছে
আনিছে ফুলৰ গোন্ধ
কৰিছে শিতল দেহ
