এই পৃষ্ঠাটোৰ বৈধকৰণ হৈছে
( ৯৮ )
ৰাম মোৰ উপাস্য দেৱতা,
যাম মই ৰামৰ লগত,
ৰাৱণক পৰাজয় কৰি
কৰিম বন্ধুৰ মই প্ৰতি-উপকাৰ।
ৰুমা। যোৱা নাথ ৰামৰ লগত,—
যাৰ পৰা পোৱা উপকাৰ,
তাৰ ধাৰ সুজিবা সহস্ৰ ভাৱে,
তাৰ হকে প্ৰাণ আঁৰি দিবা।
তদুপৰি, কৰিলে ৰামৰ সেৱা
মোক্ষ পাবা অন্তিম কালত;
ময়ো অনুগামিনী তোমাৰ
পাম মুক্তি তোমাৰ লগতে।
সুগ্ৰীৱ।নহয় সময় দেবি,
নিৰালম্বে আনন্দ কৰাৰ;
আত্ম স্বাধীনতা মই
কাইলৈ দিম বিসৰ্জ্জন,
হ’ব অভিষেক, আহিব লক্ষণ;
ৰাজ্যভাৰ গুৰু ভাৰ
সদাই অশান্তি তাৰ
যেয়ে পিন্ধে ৰজাৰ মুকুট।
