এই পৃষ্ঠাটোৰ বৈধকৰণ হৈছে
৫৩
বব্ৰুবাহ পৰ্ব্ব
দুয়ো বীৰ দাৰুণ তৰুণ সুকুমাৰ।
দুয়ো মহাবীৰ কৰ্ণ অৰ্জ্জুনকুমাৰ॥
দুয়ো বলৱন্ত ৰূপৱন্ত তেজৱন্ত।
দুয়ো গুণৱন্ত বীৰ বিক্ৰম কৰন্ত॥২৫৬
খনো খনো আকাশে যুজন্ত একেভাৱে।
খনা পৃথিবীত দুয়ো যুজে একে ঠাৱে॥
খনো খনো দুয়ো বীৰ যাই ধনু ধৰি।
শৰছোটে শৰীৰৰ মাংস যাই ছিৰি॥২৫৭
শৃগাল শগুণ কাক কঙ্ক শেন পক্ষী।
জাম্প দিয়া মাংস খাই পৰিবাৰ দেখি॥
হেনমতে দুয়ো বীৰ যুজে একে থান।
ৰাতি দিনে সৰ্ব্বক্ষণে পাঞ্চ দিন মান॥ ২৫৮
পাঞ্চ দিন অৱসানে অৰ্জ্জুনতনয়।
অসংখ্যাত কৰি বৰষিলা শৰচয়॥
শৰ মাৰি বব্ৰুবাহ মাতে কৌতূহলে।
তোমাৰ সমান বীৰ নাই ববিতলে॥২৫১
ধন্য ধন্য বৃষকেতু কৰ্ণৰ তনয়।
অদ্যাপিয়ো মোহোৰ ৰণক নাই ভয়॥
এবে কৰিয়োক বাপু আমাৰ বচন।
সুমৰিয়ো মাধৱ কেশৱ জনাৰ্দ্দন॥২৬০
মোৰ বাণে তোৰ আজি লৈবোহে পৰাণ।
অন্তকালে তোৰ হৈব স্বৰ্গলোকে স্থান॥
