এই পৃষ্ঠাটোৰ বৈধকৰণ হৈছে
৩১
বব্ৰুবাহ পৰ্ব্ব
বব্ৰুবাহ ৰাজাৰ বিষম হেন শৰ।
কৱচ সহিতে ভেদিলেক কলেৱৰ॥১৪৯
গজ বাজী প্ৰজা ভেদি বিদূৰক চলে।
যহিতে পৰয় তৈতে বহ্লিকুণ্ড জ্বলে।
হেন যেবে কৰ্ম্ম কৰিলেক নৰপতি।
পাণ্ডৱী সেনাক মাৰে একৈক বিংশতি॥১৫০
পাণ্ডুদলে বোলে মিলি সবে কৰা শৰ।
ভেবে বা সঙ্কোচ হোৱে, মণিপুৰেশ্বৰ॥
এহি আলোচনা কৰে সবে বীৰগণ।
অনুশাল্ব দৈত্যপতি ধাইলা তেতিক্ষণ॥১৫১
কামদেৱো ধাইলা পাণ্ডৱৰ সেনাপতি।
যুৱনাশ্ব ৰাজা ধাইলা সপুত্ৰ সহিতি॥
হস্তীস্কন্ধে প্ৰৱন্ধে চৰিলা বৃষকেতু।
হংসধ্বজো লৰি গৈলা সমৰক হেতু॥১৫২
ঘটোৎকচ সুত মেঘবৰ্ণ বলিয়াৰ।
সবে বেঢ়ি বোলে ধৰ ধৰ মাৰ মাৰ॥
তাসম্বাক দেখি ভৈল সঙ্কোচিত কায়।
একল বীৰক লাগি বহুবীৰ ধায়॥ ১৫৩
নৃপে বোলে উচিত কৰিবো এই ঠাই।
পাঞ্চ পাঞ্চ শৰ মাৰি লগাইবোহো ঠাই॥
সেহি থানে ৰাজাগণ মৃতকৰ বেশ।
সোলকিল দশন মুকুত কৰি কেশ॥১৫৪
