পৃষ্ঠা:বনেৰ মৰে চ'ৰা কবিতা.pdf/২৭

ৱিকিউৎসৰ পৰা
নেভিগেশ্যনলৈ যাওক সন্ধানলৈ যাওক
এই পৃষ্ঠাটোৰ বৈধকৰণ হৈছে
২১
 

 মোৰ গাঁও

পূৱলীয়া বেলিৰ পশ্চিম ফালে
মোৰ এখন সুন্দৰ গাঁও,
সুখ শান্তিৰে ভৰপুৰ, বেদনাহীন
এনে শোভানো ক'ত পাঁও?

চকুফুৰাই চালে ধৰালৈ
দেখা পাঁও মোৰ গ্ৰাম্যভূমি,
গছ গছনিৰ সেউজীয়া ৰং
পথাৰ উপচা ধাননি।

পচিমৰ মুক্ত আকাশত
ডাৱৰে লুকাভাকু খেলে,
আনফালে ৰঙচুৱা ৰামধনু
জিলিমিলি জ্বলে।

স্থিৰ পানী, নিৰব মনে
তুমি সৰু বিল,
কি ভাবিছাঁ, কি কৰিছাঁ
ৰাখিছাঁ কিহৰ মিল?

* * * * * *