এই পৃষ্ঠাটোৰ বৈধকৰণ হৈছে
১৮
বৌদিধৰ্মন
ভাৰতৰ মহাৱলী তুমি
জানেনো কিমান জন?
দেশত নাই স্বদেশৰ নাম
বিদেশী তেওঁৰ আপোন।
মহৎ তোমাৰ মানৱতা৷
চিন্তাৰ অসীম সীমা
গৈছিল যদিও চীনলৈ
উভতি কিয় নাহিলা?
সিহঁতৰ জীৱনৰ বাবে
নিজকে আহুতি দিলা
সেই জাতি আজি
ভাৰতৰ তেজ কৰিছে নীলা।
দেশৰ বিদ্যা দেশত নাই
বিদেশত বিৰাজমান।
ভাৰতৰ কং-ফু আজি
চীনৰ মূল্যবান
তুমি কি জানা?
তোমাৰ দেশক আজি খঞ্জৰ মাৰিছে
ঐ তোমাৰ বিদ্যাৰ শত্ৰু
যি তুমি নিজক নিদি
কলাৰ লগত জীৱন মৃত্যু।
সিহঁতৰ সাৰ্থৰ বাবে
পালন কৰিছিল ধৰ্ম
ভাৰত সন্তান তুমি
চীনৰ বৌদিধৰ্মন।
