এই পৃষ্ঠাটোৰ মুদ্ৰণ সংশোধন কৰা হৈছে
৭৯
আগুন সপোন
জাৰৰ কুঁৱলী সৰা গছপাত,
আজি মলয়াই উৰাই নিয়ে।
কোন সাগৰৰ দেৱতা নামিছে
নতুন বাতৰি বিলাই দিয়ে ।
দূৰ সাগৰৰ আন্ধাৰ বুকুতে,
আঁতৰি অতীত লুকাই থক ।
চকুৰ আগেদি সোণালী সপোনে
ৰাঙলী নিচান উৰাই যক।
পখিলাৰ দৰে ফুলে ফুলে উৰি,
নানা বৰণৰ ৰহন সানি,
দুখ বেজাৰৰ ঢাকনি গুচাই
ফুটোৱা মুখত অমিয় বাণী ।
মিলনৰ এনে শুভ লগনত
আহিছোঁ কাষলে বাঁহীটি বাই,
তোলা হিয়া ভৰি সুৰৰ লহৰি
নহলে লগন বিফলে যায় ।
সুখৰ কণিকা উৰিছে উজলি,
গোটেই জগত সুখেৰে ভৰা ।
মুকলি মনেৰে মধুৰ হাঁহিৰে
⸻
