এই পৃষ্ঠাটোৰ মুদ্ৰণ সংশোধন কৰা হৈছে
৪১
সৰাপাত
ধৰিব জগতে পুনু নতুন পূৱতি
সুমধুৰ মঙ্গল ৰাগিনী,
দূৰ দূৰণিৰ নোৰ বীণত বাজিব
বিষাদৰ কৰুণ বিননি ।
প্ৰেমৰ সপোন আজি সাৱটি ধৰিছো
হব পাৰে সুখ খন্তেকীয়া,
সাঁচতীয়া চেনেহৰ মধু পৰশৰ
স্মৃতি মোৰ হক যুগমীয়া ।
––––
সৰাপাত
সকলোটি একে আছে সঁচা
কিন্তু যেন কিবা এটি নাই,
অতীতৰ বলিয়া বতাহে
কেনিবাদি দিলে উৰুৱাই ।
বাজে জানো সেই সুৰ আজি
অসীমৰ বননি কঁপাই ?
লুইতৰ বহল বুকুত
সেই সুৰ শুনা জানো যায়
