এই পৃষ্ঠাটোৰ মুদ্ৰণ সংশোধন কৰা হৈছে
২৬
ফুল কোঁৱৰ।
কেলেই বিধতা আমাকে স্ৰজিলা
কেলেই ভাঙ্গিলা যোৰ॥
হাবিৰে দৰিকে হাৰিতে চৰিলে
কি খায় মলছে ঠোট।
ঠানুৱা কোঁৱৰ ঐ ঘৰত নাইকিয়৷
দেহাত লাগি আছে চোট॥ ৬৩
আমৰে দিনতে আমে মলিয়ালে
কঠালে পেলালে মুছি।
ঠানুৱা কোঁৱৰক ঘৰতে নেদেখি
মনতে নেলাগে খুছি।৷
বনৰ বনে জন্তু বনতে বিচাৰে
হৃদয়ত বিচাৰে মনে।
ঠানুৱা কোৱৰ ঐ ঘৰত নাইকীয়া
বিছাৰি আনিব কোনে।৷ ৬৪
আয়ে বোপায়ে ধৰম বিয়া দিলে
পুৰ্ব্ব অৰ্থাৰে ধৰি।
ঠানুৱা কোৱৰ মোৰ ঘৰত নাইকিয়া
হলো অকালতে ৱাঁৰী॥
লাই হালে জালে আবেলি বতাহত
লুফা হালে জালে পুৱা।
