এই পৃষ্ঠাটোৰ বৈধকৰণ হৈছে
ফুলৰ চানেকি।
⸻০⸻
বাগ্দেবী বন্দনা।
নাজানো পূজাৰ বিধি, বন্দনাৰ নীতি,
বীণাপাণি বাগ্দেবি! চৰণ তোমাৰ
কিৰূপে পূজিম নৰে, বন্দিম কি মতে?
বজোৱাঁ অনন্ত কাল সঞ্জীবনী বীণা,
গহীন জঙ্কাৰে তাৰ কঁপাই বননি,
সৰায় কতনা ফুল,—কবি ফুলনিত!
সুৰ বুজা কবিৰত্ন আদ্য কবিগণে
তাল-মান বান্ধি লই ৰচিলে কতনা
অবিনাশী মালা! অনুপম শোভা তাৰ
জিলিকে চৌপাশে মৰ্ত্য কাব্যকাননত।
সি দীপ্তিৰ প্ৰভাৱত হই দীপ্তিমান
আঢ্য কবি সৱে, গুৰুপদ অনুসৰি,
ৰচিলে কতনা দীপ্তিময়ী ফুল-চাকি
মনে-বছা ছন্দে গাঁথি। হাঁহে মাতৃভাষা
উলাহিত প্ৰাণে, পিন্ধি পুত্ৰে ৰচা হাৰ্।
গুণৱন্ত পুত্ৰ-যশ, বীণাৰ সুৰত,
গইছে বিয়াপি, অহ, ভাৰস্তক জুৰি,
৬৫ ক
