পৃষ্ঠা:ফুলৰ চানেকি.pdf/৮৩

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
ফুলৰ চানেকি।
১০৩৭
 


জৰ্ম্মাণ মহাৰণ।

আপদৰ হেন্দোলনি, পুৰুবে পছিমে,
খলকনি সাগৰ পাৰত;
দুই উপকূল আৰু হিমালয় সীমা
ওপচাই উধাও ভাৰত।

ইংৰাজ ৰাজৰ মিলে অপায় অপাৰ,
বৃটিচ্, প্ৰজাৰ কান্দে হিয়া;
বৃটন-ভাৰত হোৱা একাকাৰ চোৱাঁ;—
ভেদাভেদ চিন্ নাইকিয়া।

স্বাৰ্থজীবী ৰাজ্যলোভী সৈনিক ধৰমী
জৰ্ম্মাণ ঈগলে গলিয়াই
গিলা দেখি স্বাধীনতা সভ্য ভূভাগৰ,
বধা দিলে বৃটিচ্, সিংহই।

ভাৰত ভৈৰবে দেখি পুবদিশপৰা
গল খেদি ৰূদ্ৰৰূপ ধৰি;
সংহাৰিলে পালেমানে সমুখ ৰণত
অস্ত্ৰো-জাৰ্ম্ম-ৰোম-বুল্ গেৰী।