এই পৃষ্ঠাটোৰ বৈধকৰণ হৈছে
উছৰ্গা।
কবীন্দ্ৰ ৰবীন্দ্ৰ আজি অমৰ সভাত,
'বাল্মীকি প্ৰতিভা'-প্ৰভা প্ৰকাশি ধৰাত,
কালিদাস-পূজাভাগ সম্ভোগি সাক্ষাতে,
পুষ্প-অৰ্ঘ্য ভাৰতৰ লভি অযাচিতে;
সাদৰৰ ‘ৰবি বাবু’—ভাৰতবিদিত—
প্ৰতিভ প্ৰভাৰ গুণে পৃথিবী-পূজিত;
‘সুমেৰু কুমেৰু’ চুঁচি—‘কণক অচল'—
‘স্তন’ৰত্ন যৌৱনত কৰিলা দখল।
থলা কিবা? ৰ’ল কিবা? কিবা বাকী আৰু?
—কিহেৰে আদৰি তৱ যোগ্য মান ধৰোঁ?
অকণি 'কণিকা' আৰু 'ক্ষণিকা' ঠগত,
তোমাৰে চানেকি চাই ৰচা অসমত,
'জুৰণি' আঁজলি ধৰি দিছোঁ পাতি হিয়া,
লোৱাঁহি আসন ৰবি!—জীৱন-সন্ধিয়া।
লাখ টকা 'নবেল’ৰ বঁটা পূৰণত
কড়া ক্ৰান্তি যোগ মাথোঁ এই ওলগত।
