এই পৃষ্ঠাটোৰ বৈধকৰণ হৈছে
১০১৮
ফুলৰ চানেকি।
ৰাহুৰ গ্ৰাসত এৰি পিতৃৰাজ্য় মোৰ,
নকৰি প্ৰাণক পণ, পলাম অকলে! —
অসম্ভৱ কথা ইটো।
জয়া।— সেই হে ধৰিছোঁ টানি। নকৰিবাঁ মোক
চিৰ-অনাথিনী; অকালত পিতৃহীন
নকৰাঁ সন্তান; পতনমুখীয়া ৰাজ্য
নকৰাঁ উচ্ছেদ; ঘূৰিলে ভাগ্যৰ চাক্
ঘূৰিব সুদিন; উদ্দেশ্য সফল হব
থাকলে কুশলে তুমি।
গদা।—বান্ধনী কথাৰ।
নাবান্ধিবাঁ, প্ৰিয়া, মোক যুক্তিৰে মেৰাই।
জয়া।—নোহে কথা বান্ধ,—
হিয়াৰ আবেগ আৰু পত্নী-অনুৰোধ;
—নুবুজিলাঁ প্ৰাণেশ্বৰ!
গদা।— বুজোঁ প্ৰাণেশ্বৰি!
বুজিছোঁ কতনা আগে ব্যাখ্যান তোমাৰ;
কৰা নাই অৱহেলা তৱ অনুৰোধ,
নকৰোঁ কাচিত, এৰাঁ যদি আজিলই।
জয়া।— নিচিন্তাঁ মঙ্গল তেন্তে আমি তিনটিৰ?
দিবাঁ যদি ধৰা, নাথ, হেলি অনুৰোধ,
বাকী তিনিপ্ৰাণী তৱ ৰাখাঁ ক’ত আজি?
—ডুবিব দুখত দিনে। আক, চোৱাঁ, নাথ,
