পৃষ্ঠা:ফুলৰ চানেকি.pdf/৬১

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
ফুলৰ চানেকি।
১০১৫
 


গদা-গৃহ।

গদা। – ( অকলে ) মিলিছে সুযোগ, অহ,
মিলিব ৰণুৱা এবে মনৰ জোখায়।
পাৰ হল অতকাল ধেমালি যুঁজত,
নিমলিল ছেগ ক’তো সঁচা ৰণলই,
মিছা হল বাহুবল, মিছা গদানাম!
মিলিছে সুযোগ এবে, অতকাল পিচে,—
সমুখ সংগ্ৰাম হেতু ৰাজসেনা স’তে।
নিপাতি যতেক বীৰ, সেনা, সেনাপতি,
ৰাজ্য উদ্ধাৰিম।
  *  *  *
মিলিছে সুছেগ, অহ,
পতিত আহোম ৰাজ্য পুনু উত্থানৰ।
পিতৃৰাজ্য ৰসাতলে যায়-যায় আজি!
স্বাৰ্থপৰ কুলাঙ্গাৰ পাত্ৰ-মন্ত্ৰীসৱে
ক্ৰমাগত নিছে তললই। অৰাজক
ৰাজ্য আজি হল স্বৰূপত। নাম মাথোঁ
ৰাখি ৰজা অপাত্ৰ জনক, যতমানে
দুৰাচাৰে পাঙ্গি লই দুৰ-অভিসন্ধি
লুটিছে পীড়িছে কৰি দেশ ছাৰখাৰ!
কতজন বংশধৰ হল বিনাশন, —
দহে মোৰ দেহ-মন পৰিলে মনত।