এই পৃষ্ঠাটোৰ বৈধকৰণ হৈছে
১০১০
ফুলৰ চানেকি।
সৈনিক সঙ্গীত।
আহাঁ আহাঁ ভাই, সকলোটি মিলি,
জনম ভূমিৰ উদ্ধাৰ সাধোঁ;
জনম ভূমিৰ উদগতি অৰথে
সন্তানে জীৱন উছৰ্গা কৰোঁ।
একে অসমৰ এছোৱা যৱনে
বলেৰে দখল কৰিছে চোৱাঁ;
একে অসমীয়া কামৰূপী প্ৰজা
দেখিছোঁ নিৰৱে চকুলো টোকা!
এতেকে হে এবে কৰ্ত্তব্য আমাৰ
উদ্ধাৰোঁ ত্বৰিতে সজাতি ভাই;
উদ্ধাৰোঁ সত্বৰে জনম ভূমিৰ
যৱনে যি ছোৱা দমিছে হাঁয়!
ৰাজভক্তি গুণে অসমীয়া জাতি
সবাৰো আগত জিলিকে আজি;
বিজয় পতাকা অসম ৰজাৰ
উৰাম,—আহিছোঁ ৰণুৱা সাজি।
