এই পৃষ্ঠাটোৰ বৈধকৰণ হৈছে
ফুলৰ চানেকি।
৯৯৫
আকাশী কটকী।
⸻
ক’ৰপৰা আহে উৰি, উদ্দেশি ক’লই,
আকাশী বাতৰি ভাৰী;
শূন্যে শূন্যে দৃষ্টি তাৰ, ওপঙি আহিছে,
মুকলি জগত জুৰি !
কতনা বিৰহী জানো আকাশ তলত,
পৰিছে চকুত তাৰ;
পৰৰ দুখত দুখী, নিস্বাৰ্থ প্ৰেমিক,
প্ৰাণ জানো তোলপাৰ !
যাকে য’ৰ লাগে যেন যাচি সি বিলাব
বিৰহ-বতৰা-মউ;
অবুজ বুলিৰে জানো তললই চাই
তাকেহে সুধিছে ঔ !
সুধিবৰ আছে মোৰো সিপূৰীয়া কথা,
—এদোপ্ উধাৰ ধৰোঁ;
হুতাশিন প্ৰাণ হাঁয়, হেঁপাহ-ভৰত
উলটি মাটিত পৰোঁ !
