এই পৃষ্ঠাটোৰ বৈধকৰণ হৈছে
ফুলৰ চানেকি।
৯৮৫
এয়ে সৃষ্টি উৎপতি, এয়ে আৰম্ভণ,
সংসাৰৰ যত ৰীতি-নীতি;
ইয়াৰে চানেকি উঠে নৰ-সংসাৰত,
সাধেমানে যত উৎনতি।
কৰমৰ অনুগামী কীৰ্ত্তিৰ নিচান,
পিচলই ধাউতি সদায়;
উৰেমানে উলাহত, জাতীয় জীৱন
উন্নতিৰ লাচত উধায়।
যাত্ৰী নাও যাওঁ-যাওঁ অপেক্ষি লগৰী,
যাতৰাৰ শুভক্ষণ গণি;
ৰিণি ৰিণি দেখা যায়;—আহে ভটীয়াই
লুইতৰ পানীধাৰ মনি।
ভাটীভাগে আছেমানে সজাতি সঙ্গতি
লগেভাগে যাব ভটীয়াই;
পছিমীয়া বেহা লই ঘূৰিব সন্ধিয়া
জননীক দিবহি গতাই।
