এই পৃষ্ঠাটোৰ বৈধকৰণ হৈছে
পাতনি।
এই ‘চানেকি’ত বছা কবিতা-ফুল আটাইবোৰেই মোৰ নিজা ফুলনিৰ। তাৰ নিমিত্তে মই কালো ওচৰত হাত পাতিব লগীয়া হোৱা নাই; আৰু কাৰো ফুলনিলৈ হাত মেলাও নাই। আদিৰেপৰা আজিলৈকে মোৰ ৰচিত কবিতা ফুলবোৰ, চাওঁ বুলিলে একেঠাইতে পোৱাকৈ, থাউকতে থুপাই থোৱাৰ অভিপ্ৰায়ে “ফুলৰ চানেকি” এখন হাতে-অঁচা ঢকুৱা পাতত বাছি থোৱা আছিল; বি.এ মহলাৰ্থীৰ 'কোৰ্চ' বা পাঠ্যপুথিৰ কাৰণে সেই ‘চানেকি’ আগ বঢ়াবৰ মনেৰে, মূল চানেকিৰপৰা কিছুমান বিশিষ্ট কবিতা-ফুল বাছি আনি, তাৰে সৈতে তাৰ এছোৱাৰ বিশিষ্ট তাঙৰণ এটা উলিৱাৰ অৰ্থে এইখন “ফুলৰ চানেকি” যুগুত কৰা হৈছে। কলিকতা বিশ্ববিদ্যালয়ৰ পুথি-বছা বোৰ্ডে ইয়াক বি-এ মহলাৰ্থীৰ কাৰণে 'কোৰ্চ' মনোনীত কৰিলে মই বোৰ্ডৰ সদস্যসকল আৰু কৰ্তৃপক্ষৰ নথৈ শলাগ লম। ইতি—
আহিন, ১৮৬৩ শক। |
⸻০⸻
