এই পৃষ্ঠাটোৰ বৈধকৰণ হৈছে
ফুলৰ চানেকি।
৯৬৭
ঢোপা কলি।
⸻
প্ৰকৃতিৰ ফুলি উঠা বুকু উদিয়াই,
আধা আলো আধা ছাঁত জেউতিৰ খনি
প্ৰাণভৰি চাওঁ যেবে বাৰজলঙাই,—
চিক্মিক্ ৰূপলীলা,—বৈদ্যুতিক মণি !
সমুখীয়া তিৰিপিতি নপৰোঁতে ওৰ,
সিমুখীয়া মনমোহা দীপ্তি দেখা পাওঁ;
অভ্যন্তৰী জেউতিত সৌন্দৰ্য্য়ৰ ভৰ,
চকাটিৰ সোণা ৰূপ তুলে দেখা পাওঁ !
পাকেপতি পৰে ধৰা বেঁকা চাহনীটি,
মন প্ৰাণ নিয়ে কাঢ়ি চকু পচাৰতে;
মলয়াত মিচিকাই কঁপা ওঁঠ দুটি,—
কওঁ কওঁ কওঁ কথা,—বুজায় ভাবতে!
অত শোভা মনলোভা ঢোপা কলিটিত,—
ফুলোঁ ফুলোঁ পাহীটিৰ লুকুৱা হাঁহিত !
⸻০⸻