পৃষ্ঠা:প্ৰজাপতি.pdf/৩০

দ্বিতীয় অঙ্ক।
১ম দৃশ্য—ৰত্নেশ্বৰৰ কোঠা।

[ তিনি চাৰিখন আসন পৰা আছে। জুৰাই সোমাই আহি প্ৰথমতে আসনবোৰ চাই জাৰি জোকাৰি ভাল কৰি থয়। তাৰ পাচত— ]

—গীত —

জুৰাই—

বোপাদেৱে “ভাৰযা” পাব মোৰ গোসাঁই ঐ  বোপাদেৱে “ভাৰযা” পাব, বেটীয়ে বন্দীয়ে ন-বৌ আহিব  আইদেউৰ বোৱাৰী হ'ব। মিচিকি হাঁহিৰে ভেলেকী মাৰিব  বোপা একেথৰে ৰ'ব, জুৰায়ে তেতিয়া ঠেহখন পাতিব  বৌদেৱে দিলেহে খাব।

⸻

[ গীতৰ মাজতে পাচফালৰ পৰা ৰত্নেশ্বৰ সোমাই আহি গীত শুনি থাকি গীতৰ শেষত ]

ৰত্ন—

(হাঁহি) কি “বৌদেৱে দিলেহে খাব” অ' জুৰাই? কোন “বোপা একেথৰে বব”? কি গাইছ?

[ জুৰায়ে উভতি চাই লৰ মাৰে। ৰত্নই হাঁহি হাঁহি বহেগৈ। এনেতে বাহিৰত—ৰত্ন আছানে? ]