এই পৃষ্ঠাটোৰ মুদ্ৰণ সংশোধন কৰা হৈছে
২য় দৃশ্য—ফুৰ্লান।
[ প্ৰভাৱতীয়ে গীত গাই গাই সোমাই আহে। ]
— গীত—
সন্ধিয়া সোণৰ ৰেখা
জিলিকি দিলেহি দেখা
গছে পাতে মনযোহা চানেকি সজাই,
কোমল কবিতা সানি
আকিছোঁ যে ছবিখনি
চাওঁ দুয়োখনি আজি মনতে মিলাই।
দিনমণি আহি পালে
কমলে দুচকু তোলে
লাজৰ গোলাপী আভা দুগালে চৰাই,
তাকেহে তপনে এই
সন্ধিয়া আজৰি হই
মেঘৰ মাজেদি দিয়ে ধৰাত বিলাই;
— সোণোৱালী ৰূপ-ৰেখা কমলে অঁকায়।
বিচাৰি কুসুম পাহি
আধাফুটা ঘিটি হাঁহি
তাৰে কিবা এটি মই তুলিছো ফুটাই,
ফুটো ফুটো, ফুটা নাই
মনে মনে আছোঁ চাই
শেষৰ ৰেপাটি লাজে ৰাখিছে লুকাই।
গোপনে ছবিটি চাও ভাবেৰে পুৰাই।
