এই পৃষ্ঠাটোৰ বৈধকৰণ হৈছে
॥ প্ৰগতিৰ গান॥
(৪০)
আজিৰ অসমীয়াই
নিজৰ ভাল কি,
পৰৰ ভাল কি,
নিজৰ বেয়া কি,
পৰৰ বেয়া কি,
চিনিয়ে নেপায়;
ভাল বেয়া নিচিনি
বালিকেই সোণ বুলি
লক্ষ্যহীন হৈ ক’লৈ যে গৈ আছে
গমকে নাপায়।
বলিয়ালি কৰি
অনাই বনাই ঘূৰি
প্ৰগতিৰ দৌৰত আছে পিছুৱাই॥
০ ০ ০
নজনাৰ দুষ্টালি
এৰ অসমীয়া তই
দানৱৰ বেশ
এৰ অসমীয়া তই
মানুহৰ গুণ
ল অসমীয়া তই।
সুন্দৰ অতীতলৈ উভতি চাই
নিজৰ নিজত্ব ৰাখ উজ্বলাই।
সত্যক সাৱটি অসত্য নেওচি
প্ৰগতিৰ পথে পথে আহ ওলাই;
নহ’লে যাব তোৰ সকলো হেৰাই
অতীতৰ খিয়াতি যাব যে নুমাই॥
⸺
[৫৫]
