এই পৃষ্ঠাটোৰ বৈধকৰণ হৈছে
॥ প্ৰগতিৰ গান॥
(৩৭)
শঙ্কৰ লাচিতৰ এয়েই অসম
ধোদৰো হৈছিল ইয়াতে জনম
পিছে আজি দেখো অসমৰ সাৰুৱা মাটিত
শঙ্কৰ আদৰ্শ গজি নুঠিল।
লাচিতৰ আদৰ্শ গজি নুঠিল।
ধোদৰহে পুলি লোখা লহপহে বাঢ়ি আহি
দেশৰ মাটি আজি উপচি পৰিল।
সেই ধোদৰ বতাহ লাগি
নুমাই গ'ল যে আজি
মহা মহা পুৰুষে জ্বলোৱা চাকি।
এলেহুৱা, কেলেহুৱা হেৰ অসমীয়া
জাগ্ৰত হৈ তই আকৌ জ্বলাই তোল জ্ঞানৰ শিখা।
দীপ্ত শিখাৰে আলোকিত হৈ,
ভীৰু নাম দলিয়াই
পুৰুষৰ চানেকিৰে
বিশ্বত ৰাখ নাম বীৰ অসমীয়া॥
⸻
[৫১]
