এই পৃষ্ঠাটোৰ বৈধকৰণ হৈছে
॥ প্ৰগতিৰ গান॥
(২৯)
আজি দেৱালী ৰাতি
ঘোৰ অমানিশা আঁতৰি গ’ল
ঘৰে ঘৰে জ্বলে চাকি॥
০ ০ ০
ধনী-দুখীয়াৰ পদূলিমুখ
একাকাৰ হ’ল আজি
পোহৰ ভৰা বসুন্ধৰাৰ
জিলিকি উঠিল হাঁহি॥
০ ০ ০
ধাননি বুকুৰ কাকতি ফৰিং
জাক পাতি পাতি উৰি
অগনি শিখাৰ বুকুত পৰি
শেষ হৈ গ’ল মৰি
শতৰুৰ পৰা মুকুতি লভি
শইচে মেলিলে পাহি॥
০ ০ ০
গুচোৱা এন্ধাৰ সমাজ বুকুৰ
দীপান্বিতা তুমি
সমাজৰ যত কাকতি ফৰিং
নিধন কৰাহে তুমি
তোমাৰ বিমল পোহৰ ঢালি
সমাজ কৰা ৰূপালী॥
⸺
[৪২]