এই পৃষ্ঠাটোৰ বৈধকৰণ হৈছে
॥ প্ৰগতিৰ গান॥
(২৭)
কিমান ৰচিলা কিমান গালা
প্ৰণয় মধুৰ গান
কতো যে শুনিলোঁ শিল্পী তোমাৰ
বিৰহ গধুৰ তান॥
০ ০ ০
উদাস উদাস সুৰ ভুলি যোৱা
শিল্পী সুৰকাৰ
এই যে সময় জীৱন যুঁজৰ
শঙ্খ বজোৱাৰ
আমাক ৰণাঙ্গনৰ জয়গীতি গাই
কৰাহে শক্তিমান॥
০ ০ ০
আকাশে বতাহে ভাঁহিছে আজি
ক্ষুধাৰ আৰ্ত্তনাদ
চোতালে চোতালে নৰকঙ্কাল
মৃত্যু যন্ত্ৰণা,
গোৱা শিল্পী আৰ্ত্তজনৰ
জীয়াই থকাৰ গান
গোৱা শিল্পী কণ্ঠ কঁপাই
উদ্দীপনাৰ তান॥*
⸺
- সুৰাৰোপিত আৰু প্ৰচাৰিত
[৪০]