এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
( )
প্ৰগতিৰ যাত্ৰাত স্থবিৰ অসমীয়াৰ
স্থান আজি নাই ক’তো নাই
কক্ষচ্যুত হৈ ক’ৰবাত পৰি ৰ’ল
নিজৰ আসন হেৰুৱাই॥
নিজৰ ভাল আৰু বিশ্বৰ ভাল
উভয়কে বুটলি মিলোৱাহে ভাল
এনে মিলনেৰে গতিপথে যিয়ে আজি
যায় আগুৱাই
সিয়েহে প্ৰগতিত ৰহণ চৰায়॥
আজিৰ অসমীয়াই
ভাল বেয়া নিচিনি
প্ৰগতিৰ দৌৰত আছে পিছুৱাই
সঙ্গীযাত্ৰীবোৰ গ’ল আগুৱাই॥
অতীতলৈ উভতি চাই
নিজৰ নিজত্ব ৰাখ উজ্জ্বলাই
বিশ্বৰ ভালখিনি ল মিহলাই
কৰ্ম্মযোগী হৈ প্ৰগতিৰ বাটলৈ
আহ ওলাই;
নহ’লে যাব তোৰ সকলো হেৰাই
অতীতৰ খিয়াতিও যাব নুমাই॥
⸺
[৩৮]
