এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
(১৫)
সেউজী পথাৰত গৰু চৰি ফুৰে
ইৰিণা বিৰিণা খাই
বৰ বৰ বলধে ধাননি নাশিহে
আনন্দে পেট পুৰায়॥
০ ০ ০
সমাজ ধাননি ৰখিব খুজিলে
বলধক লগোৱা ৰচি
গৰু গৰু হৈ ঢাপলি মেলিব
ধাননি পেলাব খচি
মুঠি টান কৰি ধৰিবা ৰচি
সুলকি যাতে নাযায়॥
০ ০ ০
ৰং বিৰঙৰ পথাৰ আমাৰ
আমাৰ জীৱন তাত
নদন বদন শইচ আমাৰ
জিলিকি থাকে তাত
আহিব কাকতি ফৰিং
দিবা তাক উৰুৱাই।
প্ৰয়োজন হলে হ’বা প্ৰহৰী
অগনি শিখা জ্বলাই॥
[২৭]