এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
(১৩)
সমাজৰ হেৰ পৃষ্ঠপোষক
কবি শিল্পী মান্যবৰ
প্ৰাণৰ আপোন দেশ ৰাখিবলৈ
শক্তিশালী কলম ধৰ॥
০০০
চা চকুমেলি দেশ তহঁতৰ
হৈ গ’ল থানবান
থাকোঁতে তহঁত
দেশমাতৃৰ যাওঁ যাওঁ সন্মান,
এতিয়াও তোৰ আছে সময় হে প্ৰতিভাধৰ,
ক্ষুৰ তীক্ষ্ন যুক্তি বুদ্ধিৰ হেং দাং তুলি ধৰ॥
০০০
দেশ ৰক্ষাৰ সন্ধিক্ষণত
নামি আহ তই ৰণাঙ্গনত
এৰি তোৰ অভিমান,
নহ’লে আজি দেশ নৰয়
চৌদিশে আজি দেশৰ মাটিত
শত্ৰুৰ পয়োভৰ৷৷
⸻
[২৫]
