এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
(১২)
দুৰ্ব্বল বুনিয়াদ যদি অট্টালিকাৰ হয়
নোৱাৰে ৰাখিব মহাভাৰ
ঢলি ভাঙি ছিঙি হয় লয়
প্ৰয়োজন সেয়ে অট্টালিকাৰ
শক্তিশালী তল॥
০০০
সমাজ কাৰেং সজাৰ যদি
সপোন ৰচা হয়
চিনিব লাগিব সেই কাৰেঙৰ
ধৰাতল কোন হয়,
সেই ধৰাতল বিশাল সমাজ
সৰ্ব্বসাধাৰণ
যি শক্তিশালী ৰূপ ল’লেহে
তাৰ ওপৰত জিলিকি ৰ’ব
আকাশলঙঘী সমাজ কাৰেং
অমৰণ অভগন,
দুৰ্ব্বল জনজীৱন ভূমিত
সজা হয় যদি সমাজ কাৰেং
নিটলি পৰি চূৰমাৰ হ’ব
যাব ই ৰসাতল॥
[২৩]
