পৃষ্ঠা:প্ৰগতিৰ গান.pdf/২২

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
 

(১০)

মুক্ত কণ্ঠে আমি গাম প্ৰগতিৰ গান
নতুন পুৰুষ আমি গঢ়িম নতুন অভিযান॥

০ ০ ০


আমি হ’ম পচোৱা ধুমুহা
আমি যুৱক যুঁজাৰু দল
আমি হ’ম ধাৰাসাৰ বৃষ্টি প্লাৱন
আমি নাৰী বীৰাঙ্গনা দল।
আমি উৰুৱাম
আমি উটুৱাম
সংৰক্ষণশীল সমাজ বুকুত
সঞ্চিত যত আৱৰ্জ্জনা
পূতিগন্ধ বিষাক্ত বতাহ
আমি আঁতৰাম॥

০ ০ ০


আহ্বান কৰিছোঁ আহা জনগণ
আমি সবে কৰোঁ পণ
বিন্দুমাত্ৰ তেজ থাকে মানে শৰীৰত
প্ৰশ্ৰয় নিদিওঁ দুৰ্ব্বৃত্তক
যি দুৰ্ব্বৃত্তই দানৱ ৰূপ লৈ
আমাৰ পথত প্ৰাচীৰ হৈ ৰয়
সেই দুৰ্ব্বৃত্ত নিধন যজ্ঞত
যদি হয় প্ৰয়োজন
দিম হাঁহি হাঁহি আত্মবলিদান॥*

  • সুৰাৰোপিত আৰু প্ৰচাৰিত
[২১]