এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
(৫)
স্বাধীন ভাৰতৰ সমাজ আকাশত
শান্তিৰ কপৌ আজিও নুৰিল
দেশৰ জনতাৰ আশাৰ প্ৰদীপ
অতদিন পাৰ হ’ল জ্বলি নুঠিল॥
০০০
নানা জাতি-উপজাতি ভেদাভেদৰ
বিশাল কাৰাগাৰ নিৰ্ম্মিত হ’ল
বুদ্ধ গান্ধী অশোক আদৰ্শক
স্বাধীন ভাৰতত বলি দিয়া হ’ল।
পৰাধীনতাৰ যত অভিশাপ
পুনৰ আদৰেৰে বৰি অনা হ’ল
কলীয়া এন্ধাৰবোৰ আকৌ আহিল॥
০০০
হে ক্ষমতা, তোক ধিক্ শতধিক্
নেতা নেত্ৰীৰ তই প্ৰতিজ্ঞা ভুলালি
সেয়েহে, আজি তোক ধিক্
হে ডাৱৰ, তোক ধিক্ শতধিক্
দেশৰ নায়কৰ দৃষ্টি ঢাকিলি
দেশৰ নায়কৰ জ্ঞানত ছাঁ পেলালি
সেয়েহে, তোক শতধিক্;
দেশপ্ৰেমিক, তই ভুলপথে ওলালি।
ক্ষমতান্ধ হৈ প্ৰতিজ্ঞা ভুলিলি
জ্ঞানান্ধ হৈ তই আদৰ্শ নাশিলি,
তোৰেই ভুলতে আজি দেশৰ মাটিত
লেলিহান জুইশিখা জ্বলি উঠিল॥
⸻
[১৬]
