এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
(8)
জনসমুদ্ৰ এই দেশৰ বিভিন্ন জাতিগণ
আহা আগবাঢ়ি নাশি ভেদাভেদ
গাওঁ মিলনৰ গান॥
০০০
পাহাৰ ভৈয়াম বাসী আমি
আদিম জনজাতি
এই দেশৰ বুকুত আমি
আদিম অধিবাসী
যুগ যুগ ধৰি সাৱটিছোঁ
এই দেশৰে মাটি
আমাৰ উদাৰ হিয়া প্ৰাণ॥
০০০
সিন্ধু নদীৰ তীৰত আমি
আৰ্য্য হিন্দু হলোঁ আহি
’বসুধৈব কুটুম্বকম’ বিশ্বজিনি দিলোঁ বাণী
‘অহিংসা পৰম ধৰ্ম’ বুদ্ধবাণী দিলোঁ আমি
পশ্চিম দেশৰ বাসী আমি
মুছলিম আৰু মিছনাৰী
দেশ বিদেশ ঘূৰি ঘূৰি ঘূৰি
ভাৰত ভূমি পালোঁ আহি
পালোঁহি হিন্দুস্থান।
০০০
ভাৰতবৰ্ষ আমাৰ দেশ
মিলন তীৰ্থ আমাৰ দেশ।
আমি মহাজাতি
মাতৃভূমি ভাৰতী
আমাৰ দেশ মহান
গাওঁ মিলনৰ গান॥*
⸺
- সুৰাৰোপিত আৰু প্ৰচাৰিত১৫
