এই পৃষ্ঠাটোৰ বৈধকৰণ হৈছে
॥প্ৰগতিৰ গান॥
(২)
বড়ো, মণিপুৰী, খাচিয়া, ত্ৰিপুৰী,
খামতি ভগিনী গণ,
আহা আগুৱাই লুচাই, নাগিনী
কৰোঁ আমি আলিঙ্গন॥
০০০
আই অসমীৰ একেখন চোতালত
আমি সাতোজনী ভনী
যুগ যুগ ধৰি একেলগে মিলি
কৰিলোঁ কত ধেমালি,
আজি বিভেদকামীৰ চাতুৰী খেলত
হেজাৰ হাতীৰ হেৰুৱালোঁ বল।
শক্তিহীনা যে আমি,
সেয়েহে আমাৰ চৌদিশে আজি
এন্ধাৰৰ আৱৰণ॥
০০০
অতীতৰ যত ভুলৰ ডাৱৰ
হৈ য’ক অৱসান।
দূৰ অতীতৰ মৰম চেনেহ
হ’ক জ্যোতিষ্মান,
ঐক্য ডোলেৰে বান্ধ খাই কৰোঁ
পোহৰৰ অভিযান।৷
⸻
[১২]
