এই পৃষ্ঠাটোৰ বৈধকৰণ হৈছে
পাপৰি
(৩)
সানি দিছে সুধাকৰে সুৱদি সুষমাৰাশি,
নানান ভঙীৰে নাচে তাৰকা অযুত,
ঢালি দিছে ধৰাষাৰে ৰূপালি জেউতি ধাৰা,
আঁকিছে মোহিনী ছবি প্ৰকৃতি বুকুত!
( 8 )
আলফুলে আঁচলত শেৱালি সৌৰভ বান্ধি
সমীৰণে দশোদিকে দিছেহি বিলায়,
গিৰিবালা তটিনীয়ে অতি মৃদু মধু ৰৱে
অদূৰত উলাহেৰে গীত গাই যায়।
( ৫ )
তথাপি নালাগে ভাল নেমানে বুজনি প্ৰাণে
কোনে গাই, কোন তেওঁ, এনে মধু স্বৰ,
কিজানিবা চিনি পাওঁ, কিজানিবা লগ পাওঁ
কিজানি চিনাকি মোৰ কোনো জনমৰ?
[ ২ ]