এই পৃষ্ঠাটোৰ বৈধকৰণ হৈছে
পাপৰি
(৫৭)
নহলে মানুহে কিয় যৌৱন তীৰত বহি
মণি-মুক্তা তুচ্চ কৰি চাব শতদল,
মনত পৰিব কিয় দ্বাপৰৰ বন বেণু,
সেই ৰাস, সেই লীলা, কদমৰ তল?
( ৫৮ )
ময়ো যে মানুহ সখি, মোৰো সেই একে প্ৰাণ
মোৰোতো প্ৰাণত বাজে দ্বাপৰৰ গান,
যদিওবা জীৱনৰ এই ভৰ-দুপৰীয়
বিচাৰিছো আছে ক’ত নিৰস নিজান
( ৫৯)
ভুল সখি মিছাকথা, নপৰে মনত কাৰো
নপৰে মনত মোৰ অতীতৰ কথা
গোটেই জগত জুৰি বিহেৰেই ভৰপূৰ
নহয় নহয় ইও ফুলে ফুলে গঁথা
[ ২০ ]