এই পৃষ্ঠাটোৰ বৈধকৰণ হৈছে
পাপৰি
( ৩৩ )
দিনৰ শেষত দিনে চাকৈ-চকোৱা হালি
এটিক অকলে’ এৰি এটি গুচি যায়,
যাবৰ সময় হলে এটিক অকল দেখি
নাকান্দে সিটিয়ে সখি ইনাই-বিনাই।
( ৩৪ )
মিলনৰ বালি-ভেটা যদিওবা ভাগি গ'ল
নাই ভগা সখি মোৰ প্ৰণয়ৰ বীণ,
সুৰৰ লহৰি তাত নুঠিলে নুঠিব পাৰে
তাঁৰৰ স্পন্দন তাৰ নহয় বিলীন!
( ৩৫ )
কতজনে জগতত সাজি সাজি মৌ–চাক
ভাঙি ভাঙি ৰহঘৰা মধু কৰে পান,
জঠৰৰ জ্বালা সখি সহিব নোৱাৰি কত
দুৱাৰে দুৱাৰে ঘূৰে এৰি লাজ-মান!
[১২]