দহ বুজাবৰ কাৰণে ১ দহৰ ঘৰত বহিছে আৰু এককৰ ঘৰ খালি বুজাবৰ কাৰণে ভাত ০ বহিছে। সেইদৰে ১০০ বোলোঁতে এশৰ ঘৰত ১ বহি দহ আৰু একৰ ঘৰত ০০ দুটা শূন্য বহিছে। ৪০, ৫০০; ৭০০, ৯০০ ইত্যাদি সংখ্যাবোৰতো সেইগবেই আচল অঙ্ক কেইটাৰ স্থানীয় মূল্য নিৰ্দেশ হৈছে।
১ম উদাহৰণ। ৩৫৬ এই সংখ্যাটোৰ কোন অঙ্কই কি মূল্য বুজাইছে?
ইয়াত এককৰ ঘৰৰ অঙ্ক ৬। ৫ এটা অঙ্কৰ বাওঁফালে থকাৰ কাৰণে ই ৫ দহ বুজাইছে, ৩ দুটা অঙ্কৰ বাওঁফালে আছে গতিকে ই ৩শ বুজাইছে। এতেকে সংখ্যাটোৰ মূল্য হল ৩শ ৫ দহ ৬ বা তিনিশ ছাপন্ন।
২য় উদাহৰণ। তলত দিয়া সংখ্যাবোৰত ৪ৰ স্থানীয় মূল্য থিৰ কৰা :—
৯২৪; ৯৪২; ৪৯২
প্ৰথম সংখ্যাত ৪ সোঁহাতৰ অঙ্ক; সেই কাৰণে সি একৰ ঘৰত বহি তাৰ প্ৰকৃত মূল্য ৪কে বুজাইছে। দ্বিতীয় সংখ্যাত ৪ এটা অঙ্কৰ বাওঁফালে আছে কাৰণে সি ৪ দহ বুজাইছে। তৃতীয় সংখ্যাত ৪ দুটা অঙ্কৰ বাওঁফালে আছে কাৰণে সি ৪শ বুজাইছে।
৩য় উদাহৰণ। ৭ৰ পিঠিত (১) এটা শূন্য বহুৱালে কিমান হ'ব? (২) ২টা শূন্য বহুৱালে কিমান হ'ব?
