— ‘তোমাক এইবোৰ কিয় সোণ?’
— ‘মাৰ্কিন উগ্ৰবাদীয়ে বোমা পেলায় কিমান মানুহ মাৰিলে। ঝাৰাৰ মাক-দেউতাককো দেখোন।’
— ‘মাৰ্কিন উগ্ৰবাদী নহয় অ’।’
— ‘তেনেহ’লে?’
উগ্ৰবাদী লাডেনৰ শক্তি ধ্বংস কৰিবলৈ মাৰ্কিন ৰাষ্ট্ৰই এনে কৰিবলগীয়া হ’ল।
—‘কিন্তু ভাল মানুহবোৰো মৰিল দেখোন।’
—‘এয়াই। উগ্ৰবাদীৰ কাৰণেই যত গণ্ডগোল। সিহঁতে ধ্বংস কৰি যায়, সিহঁতক ধ্বংস কৰিবলৈ যাওঁতে ভাল মানুহবোৰ ধ্বংস হ’ব লগা হয়।’
— ‘উগ্ৰবাদীৰ ক’ত ঘৰ?’
—‘সোণ এইবোৰ সৰু ল’ৰা-ছোৱালীয়ে বুজি পোৱা কথা নহয়।’
—‘বুজি নাপালো কি হ’ল? কিন্তু উগ্ৰবাদী যে বেয়া সেইটোটো বুজিছোঁ।’
— ‘এইবোৰ বুজিবলৈ বহুত ডাঙৰ হ’ব লাগিব।’
— ‘ডাঙৰ মানুহে বেয়া কাম কিয় কৰে দেউতা?’
— ‘সেইটো কথাইতো সৰুবোৰে বুজিব নোৱাৰে।’
—‘কোৱাছোন মই বুজিম নহয়।’
শ্ৰৱৰ দেউতাকে টি, ভিটো বন্ধ কৰি দিলে। তেওঁ ক’লে —
—‘এইবোৰ বেয়া মানুহৰ বেয়া কথা। ইয়াকে জানি থোৱা, তোমাৰ মোৰ দৰে মানুহবোৰৰে কিছুমান দুষ্ট মানুহে কুবুদ্ধি লৈ উগ্ৰবাদী হয়। আৰু সাধাৰণ মানুহবিলাকৰ বিলৈ নোহোৱা কৰে।’
—‘মোক ঝাৰাক আনি দিয়া দেউতা। আমাৰ ঘৰতে তাইক ৰাখিম। তাইৰ মাক-দেউতাক সব মৰিল।
— ‘কিমান ঝাৰাক ৰাখিবা তুমি? উগ্ৰবাদীবোৰৰ বাবে আমাৰ
