এই পৃষ্ঠাটোৰ বৈধকৰণ হৈছে
সখী
চহৰৰ পৰা নিলগত থকা বকুলপুৰ এখন সৰু গাঁও। বেথাৰাম
সেইগাঁৱৰে এজন দুখীয়া খেতিয়ক। তেওঁৰ এজনী অকণমানি ধুনীয়া
ছোৱালী আছে; নাম তৰালী। তৰাটিৰ দৰেই ৰূপহী। দেখাত যেনে
কামতো তেনে। বৰ কামিলা।
তৰালীৰ সৰুতেই মাক ঢুকাল। আইতাকে আৰু পিতাকৰ চেনেহঁতে ডাঙৰ-দীঘল হ’বলৈ ধৰিলে। আইতাকে সূটাকটা, চিলাই কৰা, ঘৰুৱা কাম আদি শিকাই পটু কৰি তুলিলে।
বয়স হোৱাত এদিন আইতাকজনীও পৃথিৱী এৰি গুচি গ’ল।