এই পৃষ্ঠাটোৰ বৈধকৰণ হৈছে
৭৮
পদ্যাৱলী।
( ২২ )
“শুনি ধৰ্ম্মৰাজ, হাসি বুলিলে বচন,
জ্ঞানহীন তুমি ৰায়, হিতাহিত বোধ নাই,
সি হেতু বাঞ্ছিছা আজি সহদেৱ প্ৰাণ;
বিমাতৃৰ তনয়ত কিবা প্ৰয়োজন?
মাগ৷ অন্য, ভাবি গুণি স্থিৰ কৰি মন।”
( ২৩ )
“আছে নিজ প্ৰিয় ভাই ভীম ধনঞ্জয়,
সি সবৰ একোজন, যদি চোৱা হে ৰাজন্!
সমাদৰি পুনঃ জীৱ দিওঁ ওভতাই।
পৰ ভায়ে নেদেখোঁ একোটো উপকাৰ,
নিজ সহোদৰে হিত সাধিব অপাৰ।”
( ২৪ )
“বিশেষ প্ৰৱল ৰিপু আছে দুৰ্য্যোধন,
বিনা ভীম-ধনঞ্জয়, গুছাব সি মহাভয়,
নাই এনে শক্তি কাৰো, স্বৰূপ বচন।
জগত প্ৰখ্যাত মহাবলী বীৰদ্বয়,
কোৱা যদি এজনক দিওঁ প্ৰাণ মই।”
( ২৫ )
নাইবা সাক্ষাৎ দেৱী, লক্ষ্মী স্বৰূপিণী,
পাঞ্চালী দ্ৰুপদ-সুতা, ৰূপে গুণে সমযুতা,
সুখে সুখী, দুখে দুখী, অৰ্দ্ধাঙ্গভাগিনী।
