এই পৃষ্ঠাটোৰ বৈধকৰণ হৈছে
৬৫
পদ্যাৱলী।
( ৫ )
বৰ ক্ষীণ স্বৰে, বিনয় বচনে,
সম্বোধিছে বাৰে বাৰ,
“মেলাহে দুৱাৰ, দয়ালু গৃহস্থ!
কৰি কৃপা এটিবাৰ।
( ৬ )
শিল বৰষুণে, তিতি-বুৰি মোৰ,
প্ৰাণ যেন যায় যায়,
আগে পিছে ঘোৰ, পৰ্ব্বত জঙ্গল,
যাবলৈও ঠাই নাই।
( ৭ )
একে বুঢ়া তাতে, দৃষ্টি-শক্তি হীন,
নাই দিশাদিশ জ্ঞান,
ফটা ছিটা কানি, তিতিছে সকলো,
প্ৰাণে বঁচা মই টান।
( ৮ )
শৰীৰৰো শক্তি, নাই তিল মোৰ,
কঁপিব ধৰিছোঁ হায়!
ঠিয়দি থাকোঁতে, যেন কোনোবায়,
ঠেলি দি পেলাব চায়।