পৃষ্ঠা:পদ্যাৱলী.pdf/৬০

ৱিকিউৎসৰ পৰা
এই পৃষ্ঠাটোৰ বৈধকৰণ হৈছে
৫৪
পদ্যাৱলী।

জীৱন নিয়ালা মজি অনিত্য সুখত,
নাভাবিলা কিন্তু কি যে ঘটিব শেহত।
দেহৰূপ সজা এৰি প্ৰাণৰূপ পখী,
যেতিয়া যাব সি উৰি মুদি দুয়ো আখি।
যিদিনা সি বিচাৰ আসন সমীপত,
ভৱধাম পৰিহৰি হবা উপগত।
হিচাব নিকাশ হব যিদিনা তোমাৰ,
সি দিনাৰ কথা ভাবি চোৱাছোঁ এবাৰ।
‘মোৰ ঘৰ', ‘মোৰ বাৰী’ ‘মোৰ ভাৰ্য্যাপুত্ৰ’
সকলোৱে সংসাৰৰ মহা মোহ সূত্ৰ।
পঞ্চভূত আত্মা পালে পঞ্চ ভূতে লয়,
পৰি যৱনিকা বন্ধ হব অভিনয়।